إزاي تتصرف لو طفلك رغاي؟
 |
| كيف تتعاملي مع الطفلك لو كثير الكلام؟ |
تجنب الإحساس بالذنب لأن طبيعي إنك تضايق في بعض الأوقات وتكون غير قادر على تحمل رغبته في الكلام، مهم تفهم إن محاولاتك في تعديل معدل كلامه والموضوعات اللي بيفتحها مفيدة لأنه بيتعلم من خلالها مهارة اختيار الموضوع والتوقيت.
فرق بين الكلام اللي مجرد حكاية وبين الكلام اللي الطفل بيتوقع رد عليها ومهم تتواصل معاه من خلالها، اعمل حدود معاه بإنك تفهمه طبيعة المهام اللي وراك وخلي ردودك دايما في الأوقات المهمة وعلى الموضوعات اللي لازم ترد عليه فيها.
خصص أوقات معينة تديله فيها اهتمامك بشكل كامل عشان تساعده يفرق بين الأوقات المخصصة ليه وغيره، في أوقات تانية.. ركز معاه أثناء عمل نشاطات تانية زي غسل المواعين عشان يتعلم الفرق بين التركيز المتقسم والتركيز الكامل.
مارس معاه تمارين الهدوء.. اقعد معاه في مكان هادي وخليكوا ساكتين لمدة معينة وزودوها تدريجيا مع الوقت، تجنب أي كلام سلبيا عصبية زي (إنت مش بتبطل كلام أبدا!) لأن ده هيسبب شعوره بالخجل وهيكون صورة سلبية عن نفسه.
خصص مدة كل يوم ما بين 5-10 دقايق واطلب منه فيهم يعبر عن أفكاره بطريقة تانية غير الكلام زي الرسم الرقص الكتابة، حول اكتساب مهارة تحكمه في نفسه للعبة.. اعمل تایمر وابدأ احكيله قصة أو موقف واحسب هيقدر يستنى قد إيه عشان يرد.
ولو حسيت إنه صعب يهدى.. اطلب منه ياخد 3 أنفاس عميقة قبل ما يرد عليك كل مرة وزود عددهم مع الوقت، شجعه يمارس أنشطة فيها سكوت زي القراءة/ الاستماع أو تعلم العزف الموسيقي/ اليوجا، اديله وقته وخليك عارف إن دي طريقته للتعبير عن مشاعره وأفكاره ومع الوقت هيكتسب مهارات تواصل فعالة.
سيتم الرد قريبا