خريطة العالم الحقيقية واضحة 2023 | اليك الدليل الشامل

طريقة عمل مكرونة باستا بجميع انواعها ولذلك حمعنالكم أشهر الأنواع وألذ الوصفات بطريقة سهلة جداً لكي تجربها وهي:

طريقة عمل الباستا بجميع انواعها (مكرونة باستا)

طريقة عمل مكرونة فيتوتشيني ألفريدو

مكونات مكرونة فيتوتشيني ألفريدو:

• كيس مكرونة فيتوتشيني.
• 6 معالق كبار زبدة.
• فص توم.
• كوباية ونص كريمة تقيلة.
• ربع كوباية جبنة بارميزان.
• ربع معلقة صغيرة ملح.
• ربع معلقة صغيرة فلفل أسود.
• معلقتين كبار بقدونس مفروم.

طريقة عمل مكرونة فيتوتشيني ألفريدو:

1. اسلق المكرونة فيتوتشيني ألفريدو في مياه مملحة لمدة 8 دقايق وصفيها.
2. احتفظ بحوالي كوباية من مياه السلق.
3. سيح الزبدة وشوح فيها التوم لمدة دقيقتين وضيف الكريمة وقلب كويس لمدة 5 - 8 دقايق.
4. ضيف نص كمية الجبنة البارميزان (الو مش عندك ممكن تبدلها بالشيدر) وقلب لحد ما تسيح وتتجانس مع الكريمة.
5. خفف الكريمة بمياه سلق المكرونة لو تقلت.
6. تبل بالملح والفلفل الأسود وضيف المكرونة وقلب لحد ما تتجانس مع الكريمة.
7. ضيف باقي الجبنة والبقدونس.
8. ممكن تضيف لها قطع فراخ مشوية أو مشروم أو جمبري.

طريقة عمل باستا كواترو فورماج

مكونات باستا كواترو فورماج:

• 450 جرام مكرونة اسباجيتي.
• نص كوباية جبنة شيدر مبشورة.
• نص كوباية جبنة بارميزان مبشورة.
• نص كوباية جبنة رومي مبشورة.
• نص كوباية جبنة ماعز.
• معلقتين كبار دقيق.
• كوباية كريمة طبخ.
• فص توم مفروم.
• ملح وفلفل أسود.
• بقدونس (للتزيين).

طريقة عمل باستا كواترو فورماج:

1. اسلق المكرونة في مياه مملحة مغلية لمدة 8 دقايق.
2. على نار متوسطة.. سيح الزبدة وحط التوم وقلب.
3. ضيف الكريمة على الزبدة وقلب لحد ما تتمزج بعض.
4. ضيف جبنة الماعز وقلب لحد ما تدوب مع الكريمة.
5. ضيف أنواع الجبنة الباقية وقلب لحد ما تتجانس كلها.
6. تبل الخليط بالملح والفلفل الأسود وضيف المكرونة وقلب لحد ما تختلط كل المكونات مع بعضها.
7. لو الخليط كان تقيل ممكن تخففه بمياه سلق المكرونة للقوام اللي تحبه.
8. زين المكرونة بالبقدونس المفروم وقدمها سخنة.

طريقة عمل باستا أربياتا

مكونات باستا أربياتا:

• كيس مكرونة قلم.
• معلقتين كبار زيت زيتون.
• 3 فصوص توم مفروم.
• كوباية صلصة.
• ملح وفلفل أسود.
• معلقتين كبار ریحان مجفف.
• كوباية جبنة بارميزان مبشورة.
• نص كوباية زيتون أسود حلقات.
• معلقة صغيرة بابريكا.

طريقة عمل باستا أربياتا:

1. شوح التوم في الزيت لحد ما يبقى لونه دهبي فاتح.
2. قلل النار وضيف الصلصة والبابريكا وربع كوباية مياه وقلب كويس.
3. سيب الصلصة تتسبك لمدة 20 دقيقة.
4. اسلق المكرونة في مياه مملحة.
5. ضيف الريحان والزيتون والملح والفلفل الأسود على الصلصة.
6. ضيف المكرونة وقلب كويس.
7. وزع الجبنة على سطح المكرونة.

طريقة عمل ماك تشيز

مكونات ماك تشيز:

• كيس مكرونة (اشكل ماكروني).
• ربع كوباية زبدة.
• كوبايتين حليب.
• ربع كوباية دقيق.
• ملح وفلفل أسود.
• كوبايتين جبنة شيدر مبشورة.

طريقة عمل ماك تشيز:

1. اسلق المكرونة في مياه مغلية مملحة لمدة 8 دقايق.
2. دوب الزبدة في حلة متوسطة وضيف الدقيق والملح والفلفل لحد ما تبقى متجانسة وناعمة.
3. ضيف اللبن بالتدريج مع التقليب عشان الخليط مايكلكعش.
4. بعد 5 دقايق.. ضيف الجبنة الشيدر وقلب لحد ما تدوب ويبقى خليط متجانس.
5. ضيف المكرونة وقلب كويس وارفعها من على النار.

طريقة عمل مكرونة المبكبكة

مكونات مكرونة المبكبكة:

• نص كيلو لحمة مكعبات.
• 400 جرام مكرونة خواتم.
• بصلة متوسطة مفرومة.
• 3 فصوص توم مفرومين.
• كوباية عصير طماطم.
• معلقة كبيرة صلصة.
• معلقة صغيرة بهارات لحمة.
• معلقة صغيرة قرفة.
• ملح وفلفل أسود.
• فلفل أخضر حار (اختياري).
• ورق لورا.
• 3 معالق كبار زيت.
• معلقة صغيرة سكر.
• 5 كوبايات مياه مغلية.

طريقة عمل مكرونة المبكبكة:

1. على نار متوسطة.. سخن الزيت وضيف اللحمة وقلب لحد ما لونها يبقى بني.
2. ضيف البصل والتوم وقلب لحد ما البصل يدبل وضيف ورق اللورا والفلفل الأسود والقرفة والبهارات والمياه المغلية.
3. سيب اللحمة على نار متوسطة لمدة ساعة ونص.
4. ضيف عصير الطماطم والصلصة والفلفل الحار وقلب كويس.
5. ضيف المكرونة والملح والسكر.
6. اغطى الحلة وسيبها على النار لمدة 20 دقيقة لحد ما المكرونة تستوي.

طريقة عمل مكرونة باستا بالأعشاب والتونة

مكونات مكرونة باستا بالأعشاب والتونة:

• علبة تونة.
• 400 جرام مكرونة سوستة.
• كوباية ونص طماطم شيري.
• مقطعة نصين.
• نص كوباية مايونيز لايت.
• نص حبة بصل مفرومة.
• معلقة كبيرة خل تفاح.
• معلقتين كبار روزماري مفروم.
• معلقة كبيرة بقدونس.
• معلقة كبيرة بودرة توم.
• معلقة صغيرة بابريكا.
• ملح وفلفل أسود (حسب الرغبة).

طريقة عمل مكرونة باستا بالأعشاب والتونة

1. اخلط المايونيز وخل التفاح والبصل والروزماري والبقدونس وبودرة الثوم.
2. اسلق المكرونة في مياه مملحة لمدة 7 دقائق واشطفها بمياه باردة وصفيها.
3. اخلط المكرونة مع التونة والطماطم وخليط المايونيز كويس.
4. تبل المكرونة بالملح والفلفل الأسود.

تعديل المقال