الفرق بين الدوخة والدوار؟
الدوخة هي إحساس بعدم التوازن بيصاحبه أعراض تانية زي تشويش الرؤية والغثيان والقيء والتعرق بارد.
أما الدوار هو إحساس إن العالم بيدور أو بيتحرك من حواليك وأنت في مكانك أو ثابت وممكن يتبعه فقدان للوعي.
مهم تستشير دكتور لو بتتعرض للدوخة أو الدوار بشكل متكرر أو صاحبها أعراض تانية زي عدم القدرة على المشي | ألم الصدر الصداع | ارتفاع الحرارة / خفقان القلب.
 |
| الفرق بين الدوخة والدوار؟ |
بتختلف الأسباب وراء الإصابة بهم، وبترجع أسباب الدوخة لـ:
- قلة تناول المياه.
- ارتفاع حرارة الجو.
- انخفاض نسبة السكر في الدم.
- الأنيميا ونقص الحديد.
- - التسمم بغاز أول أكسيد الكربون.
- النزيف الداخلي أو الخارجي.
لكن في بعض الأسباب بتكون مشتركة بينهم زي:
- إصابات الرأس.
- بعض الأدوية زي مضادات الاكتئاب ومدرات البول.
- بذل نشاط عالي الكثافة.
- الضغط النفسي.
تقدر تخفف حدة الدوخة أو الدوار ببعض الخطوات البسيطة زي:
- الاستلقاء على الظهر أو الجلوس مع وضع الرأس بين الركبتين.
- لو مضطر تمشي.. خليك بمحاذاة الحيطة والاتكاء عليها لو حسيت إنك هتقع.
- لو كنت بتسوق أو بتطلع السلم، ضروري تقف عشان تتجنب أي خطر.
- اشرب مياه بالتدريج.
للوقاية من الدوخة والدوارة:
- اشرب كمية كافية من المياه يوميا.
- مارس تمارين اليوجا والتنفس العميق للسيطرة على التوتر.
- تجنب التحرك من الجلوس أو الاستيقاظ من على السرير بصورة مفاجئة.
- تجنب تحريك الرأس بسرعة.
- لو بتتناول أدوية راجع آثارها الجانبية وحاول تراجع مع الدكتور لتغيرها.
سيتم الرد قريبا