 |
| نصائح مهمة للام الجديدة |
نصائح مهمة للام الجديدة
استمتعي بكل لحظة بتقضيها مع طفلك حتي لو تغير حفاضة لأن الوقت هيعدي بسرعة جدا،توقعي عادات غذائية غريبة ووفريله أكتر من نوع للأكل.. ماتقلقيش من رفضه وتجنبي الضغط عليه حاولي تثبتي معاد نوم بدري ليه وليكي عشان يبقى عندك طاقة.
نصائح مهمة للام الجديدة: عودي نفسك على رفض الطلبات غير المفيدة.. زي إنه عايز آيس كريم ما تدخلوا سوبر ماركت، اعملي معاه طقوس بسيطة زي تعليق بالونات على باب غرفته ليلة عيد ميلاده / يكون في بينكم سلام خاص / عمل أصوات معينة لو لوحدكم في الأسانسير.
كل طفل عنده مزيج مختلف من نقاط القوة والتحديات فحاول تدورعلى طريقة التعامل المناسبة ليه، حددي الأشخاص المناسبة اللي ممكن تسأليهم عن نصايح وتلجأي ليهم في أوقات الحاجة.
نصائح مهمة للام الجديدة: اتفقي مع جوزك على الحاجات اللي ممكن يعملها معاكي وقسموا الأيام عليكم، اتكلم معاه عن القرارات البسيطة اللي بتاخديها في يومك زي شراء نوع جبنة معين لأنه أرخص ونفس جودة النوع الأغلي.
اقري لطفلك يوميا لأنها بتساعد على تنمية خياله وتطوير مهاراته اللغوية، قدميله التغييرات في شكل لعبة فمثلا لو هينام في سريره خليه يلعب فيه ويتفرج عليه الأول.
نصائح مهمة للام الجديدة: عوديه على المشاركة في المهام المنزلية زي تطبيق ملابسه / ترتيب سريره / لم اللعب / تجهيز السفرة، الأطفال بتتولد عندها ميل للمشاركة.. عودية يعلق ملابسه لما يقلعها ويحط ملابسه المتسخة في الغسيل من بدري.:
لو غلطتي.. اعتذريله عشان يتعود إن الأخطاء شئ عادي طالما بتتحمل مسؤوليتها وبتعتذر، من حقك تاخدي بريك على مدار اليوم عشان تفاعلك مع طفلك يكون بطريقة صحية.
نصائح مهمة للام الجديدة: خليكي مرحة واتصرفي بطفولة في أوقات معينة زي عمل وجوه مضحكة / الرقص في البيت، اعملوا يوم الأسبوع كل طفل يقول حاجة حلوة اخواته عملها معاه الأسبوع ده.
سيتم الرد قريبا